Tatiana Haxhiaj, 60 vjeçe, gruaja e Andrea Haxhiajt, viktimës së parë në Shqipëri nga zjarret, ka ndërruar jetë në spitalin e Traumës, tetë ditë pasi u shtrua. Gruaja erdhi në Tiranë, më datë 3 gusht, ditë kur dhe humbi të shoqin mes flakëve.
Tatiana Haxhiaj kishte djegie në 70 përqind të trupit të saj dhe nuk u ka mbijetuar dot plagëve të marra. Vdekja e saj ka shënuar viktimën e dytë në vedn për shkak të zjarreve që prej 19 ditësh kanë përfshirë vendin.
Burrë e grua ishin në shtëpinë e tyre në fshatin Asim Zenel të Gjirokastrës, në momentin që banesa u përfshi nga zjarri. Vetë Andrea Haxhiaj nisi të luftonte me flakët me mjete rrethanore, por u rrëzua nga shkallët.
