Vazhdon trendi i rritjes së rasteve me COVID-19 në Kosovë, ku në 24 orët e fundit janë konfirmuar 888 raste pozitive. Në 24 orët e fundit në Kosovë nga koronavirusi humbi jetën edhe një person.
Sipas të dhënave të publikuar nga Ministria e Shëndetësisë së Kosovës, grupmosha më e prekur nga koronavirusi në 24 orët e fundit është nga 20 deri në 29 vjeç. Gjithsej raste pozitive të kësaj grupmoshe janë 237.
Më tej, grupmosha e dytë më e prekur nga COVID-19 në 24 orët e fundit është 30-39. Gjithsej raste të konfirmuara 161.
Duke kaluar më pas, të grupmosha 40-49, gjithsej raste të konfirmuara 158. Grupmosha 10-19 vjeç, gjithsej raste të konfirmuara 117.
17 nga rastet e reja janë fëmijë deri në 9 vjeç, ndërsa 117 të infektuar janë të moshës 10 deri në 19-vjeçare.
Thirrje për vaksinim janë duke bërë në vazhdimësi ekspertët shëndetësor.
“Vaksinimi kundër COVID-19 shpëton jetë! Vaksinimi është metoda më e mirë, më e lirë dhe me efikase në luftë kundër COVID-19. Vaksinimi zgjon mbrojtjen natyrore të trupit tonë për të krijuar rezistencë ndaj infeksioneve specifike dhe e fuqizon sistemin imunitar. Vaksinimi parandalon vdekjet dhe komplikimet e rënda, të cilat kërkojnë shtrirjen e pacientit në spital.
