Bashkëshorti i modeles shqiptare Angela Martinit, Dragos Savulescu është liruar nga ambientet e paraburgimit në Greqi. Megjithatë, ai është vendosur në arrest shtëpiak dhe nuk lejohet të largohet nga Greqia.
Lajmi konfirmohet nga mediat rumune, të cilat shkruajë se kjo masë është caktuar nga një gjykatë rumune, e cila ka kërkuar dhe ekstradimin e Savulescut.
Masa e vendosur ndaj tij sjell një sërë detyrimesh, mes tyre dhe paraqitja në gjykatë brenda afateve të përcaktuara nga togat e zeza. Kujtojmë se Savulescu u arrestua nga autoritetet greke, pas një postimi në rrjete sociale të Angelës.
Ata shiheshin në vilën luksoze në Mikonos duke drekuar mes miqsh, e kjo ishte dhe objekti që bëri autoritetet të reagonin.
Kush është Dragoș Savulescu?
Ai është 46 vjeç, në të kaluarën ka qenë aksioner në Dinamo Bucuresti dhe ishte përfshirë në disa afera për riatdhesimin e pronave në Bukuresht.
Në një kërkim të thjeshtë në Google për emrin e tij, Dragos Savulescu rezulton si aktor. Ai shfaqet në fotografi me Kevin Costner dhe Eros Ramazzottin. Savulescu ishte i dashuri i aktores rumune Madalina Ghenea dhe më pas ai u martua me ish-Miss Shqipërinë, Angela Martini.
Dragos Savulescu fitoi para nga transaksionet e pasurive të paluajtshme, siç e ka pranuar dhe vetë në një intervistë për gazetën Evenimentul zilei në vitin 2013: “Unë fitova para 70-80% nga pasuritë e paluajtshme. Para bujës! Shita shtëpinë e profesorit të biologjisë dhe më mbetën 3,000 dollarë. Për dy mijë kam marrë një Opel Kadett. Unë isha djali i vetëm që shkoja në shkollë me veturë. Po e mbushja me vajza kur kthehesha”, deklaroi Savulescu tetë vjet më parë.
E vetmja kompani në të cilën shfaqet emri i tij është ajo që menaxhon Dinamo Club. Në vitin 2012, ai ishte në kompani me Ionut Negoita, vëllai i kryetarit të sektorit 3, së bashku me Cristi Borcea dhe Nicolae Badea. Një vit më vonë, në vitin 2013, ai u largua nga kompania.
