Skuadra e Prishtinës luajti sot ndeshjen e kthimit në Conference League ndaj Bodo Glimt, që përfundoi me rezultatin final 2-0 në favor të vendasve duke shuar në këtë mënyrë shpresën e kosovarëve për vazhdimin më tej të kësaj aventure, me agregatin final 3-2 në favor të vendasve.
Bardheblutë udhëtuan në transfertë me rezultatin 2-1 në favor të sfidës së parë në fushën e vet por Bodo Glimt realizoi përmbysjen e madhe.
Por veçmas aspketit negative, gjejmë kohë të hedhim dritë edhe mbi atë çfar ndodhi gjatë kësaj sfide. Thuajse i gjithë populli Kosovar nuk arriti të ndiqte skuadrën e kryeqytetit në transmetim.
Televioni kombëtar Klan Kosova, që e kishte marrë përsipër transmetimin e kësaj ndeshje, sëbashku me platformën televizive ARTMOTION, nuk e transmetuan atë.
Gjithçka ishte zyrtare, madje dhe në reklama dhe në gjithçka, por kur të gjithë televizorët e gjithë Kosovës ishin në këto kanale, asgjë nuk tranmetohej.
Nga dy gjigandët televiziv Kosovarë, njoftohet se nga televizionet lokale në Norvegji, ishte kërkuar 5000 euro për transmetimin e kësaj ndeshje.
Në pamundësi për të bërë këtë pagesë të ‘majme’ dy televizionet zgjodhën mos ta transmetonin takimin, që nëse do kishte mundësi të kalohej nga Prishtina, do ishin momente që do mbaheshin mend gjatë.
Vetë klubi FC Prishtina, në një reagim zyrtar, madje që para ndeshjes, deklaroi se do të kujdesen vetë herë tjetër në mënyrë që raste të tilla të papreçedenta të mos përsëriten.
