Shkolla e Magjistraturës ka vendosur një “urdhër” të prerë për të gjithë ata kandidatë të cilët dëshirojnë që të studiojnë në vitin e ri akademik 2021-2022.
Sipas një postimi në rrjetet sociale, bëhet me dije se ata student të cilët do ndjekin këto programe duhet të bëjnë vaksinën anti-Covid, si e vetmja mënyrë për t’u bërë pjesë e auditoreve.
Kërkohet që çdo kandidat pranë sekretarisë mësimore të dorëzojë elektronikisht vërtetimin zyrtar me qëllim që të jenë pjesëmarrës në trajnimin në auditor prej datës 4 tetor 2021 dhe në vijim.
Studentëve të magjistraturës, që do të jenë gjyqtarët e prokurorët e rinj u kerkohet me detyrim vaksinimi anti-covid. Ata që do të duhet të mbrojnë Kushtetutën e ligjet e vendit u kerkohet të shkelin liritë e individit për vaksinimin, që është një zgjedhje personale e pasanksionuar në asnjë ligj.
“NJOFTIM PËR KANDIDATËT PËR MAGJISTRATË QË STUDIOJNË NË SHKOLLËN E MAGJISTRATURËS
Njoftohen te gjithe kandidatet per magjistrate qe studiojne ne Shkollen e Magjistratures ne vitin akademik 2021-2022, (viti i pare dhe viti i dyte i studimit), qe per te siguruar mbarevajtjen e programit te trajnimit fillestar permes mesimit ne auditor, te marrin masat e nevojshme per te kryer vaksinat anti-Covid.
Cdo kandidat te depozitoje elektronikisht ne sekretarine mesimore vertetimin zyrtar me qellim qe te jene pjesemarres ne trajnimin ne auditor prej dates 4 Tetor 2021 e ne vijim.
Ju kujtojme qe muaji Gusht eshte i hapur per vaksinimin e te gjitha grupmoshave mbi 18 vjec.”, shkruhet në njoftim.
