Një aksident është regjistruar ditën e sotme në lagjen “Isa Boletini” në Vlorë.
Një 16-vjeçar ka humbur kontrollin e automjetit dhe është përplasur me vitrinën e një dyqani. Gjatë përplasjes gjithashtu është dëmtuar 37-vjeçarja E.A., e cila ndodhet në spital jashtë rrezikut për jetën.
Sipas policisë 16 vjeçari e kishte marrë automjetin pa lejen e prindërve. Ai ka marrë ndihmë mjekësore, dhe pritet të shoqërohet në ambientet e Komisariatit të Policisë Vlorë.
Vlorë/Informacion paraprak
Më datë 14.08.2021, rreth orës 16:20, në lagjen “Isa Boletini”, Vlorë, një 16-vjeçar, i cili kishte marrë automjetin pa lejen e prindërve, ka humbur kontrollin dhe është përplasur me vitrinën e një dyqani, për pasojë është dëmtuar shtetasja me inicale E. A., 37 vjeçe, e cila ndodhet në spital, jashtë rrezikut për jetën.
Drejtuesi i mjetit pas marrjes së ndihmës mjeksore, do të shoqërohet në ambientet e Komisariatit të Policisë Vlorë, për veprime të mëtejshme.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit
