Mes një entuziazmi të madh nisi takimi i javës së dytë të Ligue 1 Franceze, ku parisienët bënë parakalimin e blereve të tyre më të reja. Në fushë u shfaqën Donnarumma, Ramos dhe nuk kishte si të mungonte as Messi.
Kaq sa i përket festës dhe menjëherë pas bilbilit të arbitrit ndeshja fillon, ku pa kaluar as 3 minuta, Icardi gjen rrjetën falë asistit të Diallo. Gjithashtu në minutën e 25’ do të ishte Mbappe qe do të dyfishonte shifrat, dhe vetëm sërisht dy minuta më vonë, falë një Strasbourgu inegzistent në fushë, Draxler shënon golin e tretë.
Në një startim të pjesës së dytë me rezultatin 3-0, dukej se miqtë ishin të dorëzuar, por minuta e 53 do ta gjente Gameiro përballë Navas, duke e dërguar topin në rrjetën e këtij të fundit. Sërisht minuta e 64’ u mendua si pika e kthimit të ndeshjes sepse Ajorque do të ngushtonte shifrat në rezultatin 3-2.
Nën dirigjimin e Mbappe, në minutën e 86’ Sarabia do të shënonte golin që i dha mundësinë parisienëve të merrnin frymë të qetë, me rezultatin final 4-2 dhe me PSG që merr tre pikë të tjera të plota nga Ligue 1.
