Një banesë është përfshirë nga flakët ditën e sotme në Vlorë. Dyshohet se ka qënë zjarrëvënie e qëllimshme pasi në katin e dytë është konstatuar dera e lyer me benzinë.
Banesa private ndodhet në lagjen “10 Korriku” Vlorë. Dyshohet se dera e apartamentit është spërkatur me benzinë dhe i është vënë flaka.
Kanë qënë banorët ata që kanë njoftuar zjarrfikësen, e cila ka ndërhyrë në kohë duke shmangur dëmet. Nga zjarri është dëmtuar dera hyrëse dhe një pjesë e mobilieve e banesës në pronësi të shtetasit K.B.
Paraprakisht dyshohet se kemi të bëjmë me një zjarrvënie të qëllimshme, ndërkohë që policia nuk ka dhënë asnjë informacion për ngjarjen.
