Dy ditë më parë, në burgun e Drenovës kanë humbur një palë gërshërë që përdorin infermierët për nevojat e të burgosurve. Sipas burimeve për Gijotina.com dyshohet se, i burgosuri i sigurisë të lartë Klement Ibrahimi, të jetë ai që i ka marrë gërshërët, gjatë kohës kur ishte i shtruar në spitalin e burgut.
Ajo çka e bën alarmante situatën është fakti se në këtë burg ndodhet i penduari i drejtësisë Lefter Reçi i cili ka “spiunuar” Emiljano Shullazin dhe Lul Berishën, duke shtuar shtuar dyshimet për një konflikt të mundshësm mes të burgosurve.
Policia e Drenovës ka ushtruar kontrolle të rrepta sigurie për të identifikuar se kush mund t’i ketë marrë gërshërët, por nuk kanë mundur të zbulojnë asgjë, ndërsa po hetohet ende lidhur me këtë rast.
