Cristiano Ronaldo nuk mori pjesë në miqësoren e zhvilluar dje me U23 të Juventus. Sipas ‘Gazzetta dello Sport’ ai u stërvit së bashku me Juan Cuadrado, por nuk u thirr që të luante në miqësoren e familjes bardhezi.
Ndonëse mungesa në një takim të tillë mund të shihej si diçka normale pak kohë më parë në situatën aktuale të portugezit ky veprim shton akoma më shumë dyshimet për të ardhmen e tij te ‘Zonja e Vjetër’.
Duket se rëndësia e Ronaldos te ekipi italian tashmë ka rënë dhe kjo më shumë për shkak të dëshirës së tij për t’u larguar. Ndonëse ka mbetur edhe pak ditë nga mbyllja e merkatos.
Ronaldo ende nuk ka marrë një vendim për të ardhmen, ndonëse ai nuk ka rinovuar kontratën me Juven në të njëjtën kohë akoma nuk ka filluar bisedime të thelluara me një klub tjetër.
Duhet theksuar se të interesuar për kartonin e CR7 janë PSG, Manchester United dhe së fundmi edhe Manchester City. Klubi bardhezi ka vendosur edhe çmimin e kartonit të tij që shkon në 30 milionë euro, kjo për shkak se ata nuk duan ta humbasin portugezin pa marrë një pagesë./Gijotina.com
