Maja e Rrunës vazhdon të shkrumbohet prej javësh nga zjarret. Pavarësisht ndërhyrjes së zjarrfikësve si nga toka dhe nga ajri për ditë me radhë, shuarja e flakëve ka qenë e pamundur.
Për shuarjen e zjarrit janë angazhuar 10 forca zjarrfikëse, 8 forca të pyjores dhe njësisë administrative Malzi, si dhe 15 forca të DMR-së Kukës, ndërkohë që kërkohet ndërhyrje nga ajri. Flakët janë përhapur në zonë malore, ku aktualisht janë larg zonave të banuara, por po shkaktojnë dëm kolosal në bimësi.
Për shkak të erës vatra vijon të jetë ende problematike edhe kur vihen nën kontroll. Vatra e zjarrit në vendin e quajtur Stanet e fshatit Morinë, zonë e mbrojtur Mali Koritnikut, është izoluar plotësisht. Për të mbajtur nën monitorim këtë vatër zjarri janë angazhuar 3 punonjës të AZM Kukës.
