Xhuljan Bullari është identiteti i të riut, i cili u gjet i vrarë mëngjesin e sotëm në Babicë të Vlorës.
25 vjeçari ishte brenda makinës së tij tip “Fiat Punto”, kur është qëlluar me armë zjarri nga persona ende të paidentifikuar. Ndërkohë është zbuluar se Bullari ka qenë i dënuar në vitin 2018 për trafikim klandestinësh.
Drejt tij u qëllua 3 herë, por ka mjaftuar një plumb në kokë që ti shkaktonte vdekjen. Dyshimet e para për ngjarjen janë larje hesapesh për parcelat e drogës, pasi zona është e njohur për kultivimin e bimëve narkotike, ndërsa vlen për t’u theksuar se trupi i pajetë i të riut është gjetur larg rrugës kryesore.
