Një turist holandez, i cili e ka motrën të shtruar në Spitalin Infektiv të Tiranës, ka shprehur pakënaqësinë e tij gjatë një interviste duke e krahasuar spitalin me një kopsht zoologjik.
Ai i ka kërkuar Ministres së Shëndetësisë që të vijë e të kontrollojë kushtet brenda spitalit.
“Kam motrën time këtu prej mëse një jave. Gjatë javës së parë nuk kisha asnjë komunikim, nuk e dija se çfarë ndodhte brenda, por tani kam emrin e doktorit dhe flas. Problemi është se brenda është shumë vapë, si një sauna, si një kopsht zoologjik.
I kërkoj Ministrit të Shëndetësisë të vijë e të kontrollojë, të shohë kushtet pasi ka probleme me mungesën e materialeve, është shumë keq. Ky është opinioni im. Më vjen shumë keq për qytetarët shqiptarë nëse do të vijë në këtë spital. Nuk do të kenë fund të mirë, që të jem i sinqertë, pasi klima rreth spitalit nuk është e mirë.”- tha holandezi për Syri Tv.
Situata e pandemisë në vendin tonë është rënduar për shkak të depërtimit të virusit Delta. Sot u raportuan mbi 600 raste dhe 2 të vdekur.
