Festa e birrës në Korçë nuk ka shkuar dhe aq mirë pas daljes së këngëtarit serbo-kroat, Goran Bregoviç.
Sipas informacioneve dhe pamjeve të siguruara nga Gijotina.com, disa persona kanë treguar qëndrimin e tyre për ardhjen e këngëtarit serb, duke hedhur një gaz lotsjellës si shenjë proteste.
Kjo më pas ka bërë që shumë të pranishëm në këtë koncert të alarmohen dhe të nisin të bllokojnë hundët me peceta. Fëmijët kanë filluar të qajnë pasi festa po shoqërohej me një gjendje kaotike.
Që prej fillimit, kur lajmi i ardhjes së Bregoviç në Shqipëri u bë i ditur nga të gjithë, njerëzit patën shumë pakënaqësi dhe ishin goxha të irrituar kundër ardhjes së tij pasi e konsiderojnë këngëtarin si një nga ata që kanë frymëzuar masakrat e serbëve kundrejt kosovarëve. Pavarësisht kërkesave të shumta për të mos e lejuar këngëtarin serb të këndojë në festën e Korçës, Bashkia bëri me dije se kjo çështje është mbyllur dhe se Bregoviç do të vinte në Shqipëri.
