Motra e Cristiano Ronaldos është ankuar për golin që i anuluan të vëllait të saj në ndeshjen e Juventus kundër Udineses.
Ronaldo kishte hyrë nga stoli në pjesën e dytë të ndeshjes hapëse të Serisë A të Bardhezinjëve kundër Udineses të dielën në mbrëmje dhe shënoi golin e fitores për Juventus, por që u cilësua si pozicion jashtë loje pas një kontrolli VAR.
Sidoqoftë, përkundër kësaj, një nga motrat e sulmuesit portugez, Elma, u ankua për vendimin e gjyqtarit.
Ajo postoi një fotografi të daljes në pozicion jashtë loje të Ronaldos duke ironizuar në ‘Insta-story’ e duke shkruar: ‘Po të kishe shpatullën time, do të kishe qenë në rregull. Ti duhet të zëvendësosh shpatullat e tua të mëdha me shpatulla të një madhësie mesatare’- ndërsa ka shtuar- ‘Grabitja filloi. ‘
Sipas ‘Sky Sport Italia’, Ronaldo ende shpreson të largohet nga Juventusi, kështu që ai kërkoi që të fillojë ndeshjen kundër Udineses në stol./Gijotina.com
