Our World Data njofton se që ka fillimi i fushatës së vaksinimit kundër COVID-19 e deri më tani, janë bërë gati 5 miliard doza vaksinash në nivel global. Një e katërta e botës është plotësisht e vaksinuar, ndërsa rreth një e treta e popullsisë ka marrë të paktën një dozë të vaksinës.
Të gjitha vendet aplikojnë vaksinimin me dy doza edhe pse ka vende të cilët kanë filluar të rekomandojnë një dozë të tretë përforcuese. Kjo për shkak të shqetësimeve për zvogëlimin e efikasitetit të vaksinës dhe variantit Delta të koronavirusit i cili është shumë i transmetueshëm.
Një shqetësim që ka ngritur OBSH është për qasjen jo të barabartë në vaksina mes vendeve të pasura dhe të varfra, pasi vetëm 1.4% e njerëzve në vendet me të ardhura të ulëta kanë marrë të paktën një dozë.
Organizatat Botërore të Shëndetit propozojnë që vendet me të ardhura më të ulëta të furnizohen në vaksina për t’i dhënë fund pandemisë dhe për të zvogëluar rrezikun e mutacioneve që mund ta bëjnë virusin më ngjitës dhe potencialisht të ulin efektivitetin ndaj vaksinave.
Sipas OBSH situata më e keqe me imunizim është në Afrikë, ku shumë vende kanë vaksinuar nën 1% të popullatës. Shtete e pasura si SHBA, Kanadaja, Franca, Gjermania dhe vendet e tjera kanë njoftuar planet për të ofruar doza përforcuese për popujt e tyre, OBSH thotë se në vend që të përdorin vaksinat për doza shtesë, ato duhet të dërgohen tek të pavaksinuarit me asnjë dozë.
