Vëllai i Dardan Krivaqës, të riut që dhunoi për vdekjen bashkëjetuesen e tij 18-vjeçare për shkak të xhelozisë, është distancuar nga veprimit i vëllait të tij.
Në një shkrim në Facebook, Kastriot Krivaqa shkruan se vëllai gjithë jetës u ka sjellë probleme dhe se asnjëherë nuk i ka pranuar këshillat e familjes.
“Unë si vëlla i madh jam përkujdesur për familje qysh në moshë shumë të re nga se herët kam mbetë pa baba, por jam mundu që “vëllaun” ta këshilloj dhe ndihmoj”, por ai asnjëherë nuk e ka dëgjuar askënd”, thotë ai.
Ndër të tjera, ai shtoi se vëllai i tij duhet të marrë dënimin e merituar.
Dardan Krivaqa është arrestuar sot nga Policia e Kosovës pas dy ditësh në arrati mbasi dhunoi për vdekje partneren e tij 18-vjeçare Marigona Osmani. Në pranga është vënë edhe Arbër Sejdiu, i cili sipas autoriteteve ka qenë gjithë kohës i pranishëm dhe ka marrë pjesë në dhunimin e të resë.
