Policia e Shtetit jep detaje nga aksioni i RENEA-s, i zhvilluar mbrëmjen e kaluar në disa qytete të vendit, përkatësisht nga Durrësi në Lezhë, Mamurras e Elbasan.
Në pranga kanë rënë shtetasit Dashamir Tafili, i akuzuar për armëmbajtje pa leje, Lorenc Habilaj, për shpërndarje të lëndeve narkotike, si dhe Astrit Seferi, autori i plagosjes së katërfishtë në vitin 2017. Gjithashtu, është proceduar penalisht Elvis Doçi.
Aksioni nisi fillimisht për kapjen e personave të përfshirë apo të dyshuar si të përfshirë në veprimtari kriminale kundër personit dhe pronës. Kontrollet u zhvilluan në lokale, banesa, ambiente të ndryshme dhe vende të dyshuara për fshehje apo përdorim të lëndëve narkotike.
