Hetimet lidhur me vrasjen e të resë në Ferizaj janë drejt përfundimit, ndërsa sot Prokuroria e Ferizajt ka kërkuar arrest me burg për Dardan Krivaqën, autorin e vrasjes së 18-vjeçares.
Sipas Prokurorisë, Dardan Krivaqa ka ushtruar dhunë psikike e fizike ndaj partneres së tij duke çuar në vrasje të rëndë.
Momentalisht ai ndodhet në masën e ndalimit 48 orësh, por Prokuroria kërkon arrest me burg deri në momentin e dhënies së dënimit nga Gjykata.
Krivaqa së bashku me me një person tjetër e la në derën e spitalit të vdekur 18-vjeçaren duke u larguar, teksa u arrestua dy ditë më pas në një fshat të Ferizajt.
