Është ndërprerë seanca për caktimin e masës së paraburgimit, të të dyshuarit për vrasjen e të resë Marigona Osmani, Dardan Krivaqa, shkak përkeqësimi i gjendjes shëndetësore.
I riu sipas Prokurorisë, ka ushtruar dhunë psikike e fizike ndaj partneres së tij duke çuar në vrasje të rëndë.
Krivaqa, është i dyshuari kryesor dhe gjithashtu personi më i njohur për policinë e prokurorinë në Ferizaj. Kjo pasi ai ka qenë i përfshirë në shumë vepra të ndryshme penale, ku rezulton që të jetë akuzuar për: “Vjedhje e rëndë”, “Lëndim i lehtë trupor”, “Kanosje” dhe “Lëndim i rëndë trupor”.
Por jo vetëm kaq, historitë e tmerrit vazhdojnë!
Mesa duket kjo nuk është hera e parë që Dardan Krivaqi është akuzuar për dhunë fizike.
Ai raportohet se ka ushtruar dhunë ndaj një të dashure tjetër me të cilën jetonte në Francë. Krivaqa e ka dhunuar vajzën, njësoj si në rastin e 18-vjeçares Osmani dhe e ka detyruar që të punojë si prostitutë.
