Ndonëse njeri më i pasur në botë, edhe Jeff Bezoz zgjedh të përfitojë nga karburanti i lirë për të kur bëhet fjalë për të furnizuar superjahtin e tij. 136 metra i gjatë, me 11 kabina luksi, me kapacitet për 25 pasagjerë dhe me një qira prej 3 milionë euro për vetëm një javë, është vlera e jahtit të Bezoz, i cili është parë duke ankoruar në Sarandë.
Miliarderi Bezos ka ankoruar jahtin e tij gjigant “Flying Fox” në qytetin bregdetar, ku krahas rrezeve të diellit do të furnizohet me karburant të lirë pa akcizë.
Jahti gjigant “Flying Fox” është parë mëngjesin e sotëm në gjirin e Sarandës ku edhe ka hasur probleme me ankorimin për shkak të zonës së kufizuar. Nga pamjet për Gijotina.com, mbi jaht është edhe helikopteri ku miliarderi mund të hipë për të shijuar bregdetin shqiptar.
Qyteti bregdetar është tejet i frekuentuar në vitet e fundit pasi një sërë jahtesh luksoze ndalojnë për tu furnizuar me naftë. Disa ditë më parë, Gijotina.com publikoi rastin e një tjetër jahti luksoz që u ankorua në Sarandë për naftë pa akcizë.
