Autori kryesor për vrasjen e bujshme të 18- vjeçares Marigona Osmani në Kosovë, ka kyçur gojën para togave të zeza, teksa për të ka folur pala mbrojtëse. Pak minuta pas hapjes së seancës të akuzuarit iu përkeqësua gjendja shëndetësore në Gjykatë, por mjekët vendosën që seanca mund të vazhdojë teksa avokati dyshon se Krivaqa mund të ketë edhe problem emocional. Sakaq, gjatë seancës gjyqësore të zhvilluar ditën e sotme, teksa ka marrë fjalën avokati mbrojtës ka thënë se I riu nuk e ka kundërshtuar paraburgimin.
“Ende po e presim vendimin e gjykatës për caktimin e masës së paraburgimit. Klienti im nuk ka deklaruar asgjë. As me mua nuk ka folur. Në këtë fazë është mbrojtur në heshtje. Kurrgjë s’ka folë. As mua nuk më ka dhënë autorizim që të flasë për të. E ka shfrytëzuar të drejtën me u mbrojtë në heshtje
Nuk e ka kundërshtuar paraburgimin. Çështjet tjera vijnë me kalimin e kohës. Gjendja e tij shëndetësore ishte ashtu e keqe, por mjekët konstatuan se mund të vazhdonte seanca. Nuk e di (çfarë problemesh ka pasur), sigurisht emociale. Ndoshta ka edhe raport mjekësor që d otë bëhet, por atë e merr gjykata”, tha avokati Salihu.
