Autorët e skeduar në veprimtari kriminale, konsiderohen gjakftohtë e të “heshtur”, për aq kohë sa arma është “zgjidhja” e vetme për mosmarrveshjet. Kështu veproi edhe autori kryesor i vrasjes së të riut Xhuljano Bullarit në Vlorë, ku shkak dyshohet të jenë pazaret e drogës dhe borxhet.
Autori i cili kishte njohje me viktimën, u arrestua dje nga një aksion i zhvilluar në Tiranë, ndërsa, nga kërkimet e Gijotina.com është zbuluar se pas krimit Bledar Selmanaj kishte postuar në rrjetin social Facebook një foto, ku shfaqej sa i qetë aq edhe serioz, duke e përshkruar veten si biznesmen.
Sakaq kujtojmë se Selmanaj është arrestuar në orët e para të mëngjesit të së mërkurës në zonën e ish-Bllokut në kryeqytet, ndërsa iu gjet edhe arma me të cilën vrau Bullarin, e groposur në oborrin e shtëpisë në Vlorë. Të dy udhëtuan bashkë nga Tiranë për në Vlorë për diskutime droge, ndërsa sherri mes të dyve nisi për një borxh që Xhuljani nuk pranonte t’ia paguante. Selmanaj qëlloi tre herë në drejtim të 25-vjeçarit, por plumbi që e qëlloi në kokë e la të vdekur në vend.
