Studentët dhe pedagogët do të vaksinohen me detyrim në të kundërt do të lihen jashtë auditorëve. Lajmi u bë i ditur nga kreu i qeverisë Edi Rama teksa inspektoi Rezidencën Studentore numër 2 në Tiranë.
“Mund të vijë momenti duke pasur parasysh se çfarë po ndodh në botë, që vaksinimi për studentët që hyjnë në auditore të jetë i detyrueshëm. Do duhet ta bëjmë që tani që nëse vjen momenti të mos na thonë pse s’na thatë. Se këtu nuk ka dua, s’dua. Nuk ka jo nuk dua, studentët dhe pedagogët që hyjnë në auditor kanë përgjegjësi. Vaksina nuk të heq 100% rrezikun por bën që kur infektohesh të mund ta kalosh më lehtë. Dhe askush nuk ia ka borxh njeri që të shkojë në spital vetëm se thonë s’dua, nëse s’do mos hy në auditor”, – tha Rama.
