Biznesmeni Sokol Çelaj, 58-vjeçari që mbrëmë iu bë atentat fare pranë shtëpisë në fshatin Reç të Malësisë së Madhe kishte pak ditë që ishte kthyer në Shqipëri, pasi prej vitesh jetonte në Angli.
Hetimet lidhur me ngjarjen kanë filluar nga e shkuara kriminale e viktimës. Prej nga ku mësohet se Çelaj ka punuar polic dhe në vitin 1989 ka vrarë një person me armën e shtetit. Gjykata asokohe e konsideroi vrasjen nga pakujdesia dhe Çelaj ka bërë rreth 6 vite burg, për të shkuar më pas në Angli. Të afërmit e personit që ka vrarë 58-vjeçari jetojnë në Itali. Kjo është një nga pistat që po hetohet deri më tani, por nuk përjashtohen edhe episode të tjera.
