Detaje të reja janë publikuar rreth Dardan Krivaqës, i cili më 22 Gusht dhunoi për vdekje 18-vjeçaren, Marigona Osmani.
Zëvendësdrejtori i Shërbimit Korrektues të Kosovës, Rasim Selmani tha se Krivaqa po mbahet në institucionin e sigurisë së lartë në Gërdovc dhe se është i karantinuar për shtatë ditë dhe ndodhet vetëm në qeli.
Ai tregoi se deri më tani nuk ka informata që Dardan Krivaqën ta ketë vizituar ndonjë anëtar i familjes apo dikush tjetër, përveç monitorimit të vizitave nga institucionet relevante, si Avokati i Popullit dhe organizatat tjera që kanë të drejtën t’i vizitojnë këto persona në Qendrën Korrektuese.
