Ministrja e Arsimit, Evis Kushi së bashku me Ambasadorin e BE në Shqipëri, Luigi Soreca, kanë mirëpritur në një ceremoni, 19 studentët fitues të bursave “Erasmus Mundus”.
Gjatë fjalës së saj, ministrja Kushi tha se këta të rinj janë një vlerë e shtuar për kontributin e vyer që do të japin në institucionet tona kur të kthehen.
“Falënderoj për mbështetjen delegacionin e Bashkimit Evropian në Shqipëri me të cilët jemi vullnetplotë për të vijuar e forcuar bashkëpunimin veçanërisht në fushën e arsimit,” – shkruan Kushi në publikimin e saj në Facebook.
Ndërsa, ambasadori Soreca u shpreh se arsimi është prioritet i BE, dhe shtoi se për të do të ishte një “ëndërrr e bërë realitet nëse shumë prej jush do të angazhoheshin në procesin e integrimit europian të Shqipërisë kur të ktheheni”.
