Ambasadorja e Suedisë në Shqipëri, Elsa Hastad, ka falenderuar popullin shqiptar për pritjen e afganëve të parë këtë mëngjes.
Përmes një postimi në Twitter, ajo bën krahsanimin me Roal Wallenberg i cili shpëtoi mijëra hebre nga holokausti, ndërsa për shqiptarët shkruan se janë njerëz trima.
“Sot është dita për të nderuar Raol Wallenberg i cili shpëtoi mijëra hebre nga holokausti, Suedia përkujton vlerat morale dhe njerëzore.Ne kemi nevojë për njerëz të tillë trima! Faleminderit Shqipëri që prite refugjatët e parë këtë mëngjes!”, shprehet Hastad.
121 afganët e parë mbërritën në vendin tonë rreth orë 03:00 të mëngjesit të sotëm, ku në aeroportin e Rinasit u pritën nga ministrja Olta Xhaçka, ambasadorja Yuri Kim, nga struktura të ushtrisë dhe ekipe shëndetësore të cilat ishin në gatishmëri. Më herët kryeministri Rama ka paralajmëruar që në vendin tonë do të vijnë 4000 afganë për t’u strehuar për një vit.
