Kryeministri Edi Rama ka shkuar në Durrës aty ku janë strehuar 121 fëmijë, gra e burra nga Afganistani të cilët mbërritën në vendin tonë në orët e para të mëngjesit të sotëm. Me dhurata dhe me urimin për një jetë më të mirë, kryeministri Edi Rama u ka uruar mirëseardhjen afganëve të strehuar mes Durrësit dhe Kavajës të cilët mbërritën në vendin tonë pak pas mesnatës.
Rama gjithashtu tha se e kupton situatën që ata po jetojnë sot, pasi edhe shqiptarët kanë qenë dikur në vendin e tyre. Një prej grave afgane falënderoi kryeministrin ndërsa zbuloi edhe një detaj të veçantë, se një prej bebeve afgane feston ditëlindjen pikërisht sot, në ditën e parë të një jete të re në Shqipëri.
