Skuadra e Interit e ka nisur me këmbën e mbarë pjesën e dytë të ndeshjes ndaj Veronas. Zikaltërit gjendeshin në disavantazh në të parën teksa për të rikthyer ekuilibrin ka menduar Lautaro Martinez. Argjentinasi kapi në befasi mbrojtjen vendase duke realizuar me kokë. Për Interin është një transfertë shumë delikate e cila u komplikuar edhe më tej falë gabimit të portierit Handanoviç çka i dhuroi avantazhin Veronas. Interi po zhvillon një ndeshje të mirë ndërsa trajneri Inzagi ka hedhur në fushën e lojës nga minuta e parë blerjen e kësaj vere, Edin Xheko.
