Kryeministri Edi Rama në shoqërinë e ambasadores së SHBA-ve, Yuri Kim dhe ministres së jashtme, Olta Xhaçkës, ka pritur mesnatën e djeshme dy avionët e tjerë me afganë që mbërritën në vendin tonë.
Përmes një postimi në “Facebook” Rama thekson se deri më tani kanë mbërritur në vendin tonë 275 të arratisur nga Afganistani fatkeq.
“MIRËMËNGJES PA U GDHIRË
dhe nga Rinasi ku deri sot kanë mbërritur 275 të arratisur nga Afganistani fatkeq, ndër të cilët edhe gra aktiviste të shoqërisë civile, pedagogë, punonjës institucionesh, gazetarë, së bashku me familjet e tyre, ju uroj një fundjavë të qetë”, shkruan Rama.
