Një 33-vjeçar ka rënë në prangat e policisë së Beratit, pasi posedonte dhe shpërndante lëndë narkotike kokainë.
Sipas njoftimit të policisë, Ardit Bajramit, banues në lagjen ‘30 Vjetori’ në Berat, gjatë kontrollit fizik dhe në banesën e tij, i janë gjetur dhe sekuestruar në cilësinë e provës materiale doza me lëndë narkotike kokainë, 1 peshore elektronike, 1 aparat celular dhe një shumë parash të dyshuara të përfituara nga kjo veprimtari kriminale.
Materialet i kaluan Prokurorisë së Rrethit Gjyqësor Berat, për veprën penale “Prodhimi dhe shitja e narkotikëve”.
