Një ngjarje e rëndë është regjistruar në rrugën “Muharrem Fejza” në Prishtinë ku tre persona kanë mbetur të plagosur. Ngjarja ka ndodhur mbrëmjen e së premtes ndërsa është publikuar në mendie nëpërmjet komunikatës së policisë.
Policia tha se është arrestuar i dyshuari i plagosjes së trefishtë, i cili për shkaqe ende të panjohura qëlloi me armë zjarri në drejtim të dy personave të cilët u dërguan në spital për të marrë ndihmë mjekësore.
Në të njëjtin rast lëndime trupore nga thika ka marrë edhe një person tjetër. Në vendin e ngjarjes kanë dalë njësitë policore të cilat kanë gjetur dhe sekuestruar dy gëzhoja të armës së zjarrit dh dy thikat. Po ashtu nga i dyshuari është sekuestruar një pistoletë me tre fishekë, armë e cila dyshohet se ishte përdorë në rast.
“Rr. Muharrem Fejza, Prishtinë 27.08.2021 – 23:07. Është arrestuar i dyshuari mashkull kosovar i cili për shkaqe ende të panjohura kishte gjuajtur me armë zjarri në drejtim të dy viktimave meshkuj kosovarë të cilët janë plagosur dhe janë dërguar në QKUK për tretman mjekësor. Në të njëjtin rast lëndime trupore nga thika kishte marr edhe një person tjetër viktima mashkull kosovar i cili ka pranuar tretman mjekësor. Në vendin e ngjarjes kanë dalë njësitë relevante policore të cilat kanë gjetur dhe sekuestruar dy gëzhoja të armës së zjarrit dhe dy thika. Nga i dyshuari është sekuestruar një pistoletë me 3 fishekë, armë e cila dyshohet se ishte përdorë në rast. I dyshuari pas intervistimit me vendim të prokurorit është dërguar në mbajtje për 48 orë, rasti vazhdon të hetohet”, thuhet në njoftimin e policisë së Kosovës.
Gazeta Express ka publikuar pamje nga vendi i ngjarjes.
