Milot Rashica është aktivizuar në një tjetër ndeshje të Premier Liga me Norwich.
Skuadra e cila arriti të ngjitet këtë sezon në elitën e futbollit anglez, bëri një ndeshje të mirë ndaj Leicester Cityt, përkundër humbjes 1-2.
Në kushte të tjera Norwich do kishte marrë pikën e parë ditën e sotme, por sistemi VAR ja hoqi këtë mundësi, ku goli i McClean u anullua vetëm 10 minuta nga fundi i takimit.
Futbollisti kosovar, Milot Rashica bëri një ndeshje shumë të mirë me Norwich ditën e sotme, përveç faktit që nuk arriti të gjejë golin.
Paraqitja e tij e mirë është vlerësuar nga tifozët e klubit anglez që e kanë votuar Rashicën si futbollistin më të mirë të ndeshjes nga skuadra e tyre.
“Paraqitje solide sot nga Milot Rashica”, ka shkruar Norwichi në Twitter.
Gjithashtu klubi e vendosi edhe foton e kosovarit në të cilën shkruhej ‘Njeriu i ndeshjes’.
Norwich pas tri ndeshjeve ende nuk ka pikë, derisa javën e ardhshme luan në transfertë kundër Arsenal.
