Hyjnë sot në fuqi masat e reja anti-Covid në Kosovë, të cilat u vendosën për shkak të rritjeve të rasteve të infektimeve.
Ditën e djeshme në vend u shënua rekord i zi, pasi që brenda 24 orëve u shënuan 36 viktima nga COVID-19, shifër kjo e cila ishte më e larta që nga fillimi i pandemisë në mars të vitit 2020. Duke marrë shkas nga kjo shifër, qeveria bëri hapa pas duke bërë këto kufizime.
Në mesin e masave të reja që hyjnë në fuqi është edhe ora policore për të gjithë qytetarët që fillon prej orës 22:00 deri në ora 05:00. Maska është e detyrueshme kudo, përveç në tri raste: Gjatë drejtimit të automjetit vetëm, apo kur në automjet janë prezentë vetëm anëtarët e familjes; Gjatë vrapit, çiklimit dhe ushtrimeve fizike; Gjatë ngrënies apo pijes.
Fillimi i vitit shkollor është shtyrë deri më datën 13 shtator. Po ashtu, është janë ndaluar shërbimet në gastronomi në hapësirat e mbyllura.
