Bilanci i aksidenteve tragjike të shënuara së fundmi në vend duket se nuk i ka ndërgjegjësuar ende shoferë te mjeteve të cilët vazhdojnë të kryejnë manovra të rrezikshme për jetën e këmbësorëve, edhe pas apeleve nga policia rrugore. Policia e Tiranës ka vënë sot në pranga M. P., 32 vjeç, pasi në rrugën “Qemal Stefa” ka vjedhur motorin në përdorim nga J. A, i cili u sekuestrua në cilësinë e provës materiale. Po ashtu është bërë edhe arrestimi i F. B., 60 vjeç, pasi duke drejtuar mjetin në gjendje të dehur është përfshirë në një aksident vetëm me dëme materiale; Sakaq prangave nuk u ka shpëtuar as A. M., 20 vjeçe, pasi duke drejtuar mjetin tip “Porsche” ka përplasur mjetin me drejtues A. M. Si pasojë është dëmtuar A. M, i cili ndodhet në spital, nën kujdesin e mjekëve.
