Ministrja e Arsimit Evis Kushi ka zhvilluar ditën e sotme takim me përfaqësues nga Ambasadat Europiane në Tiranë.
Në Facebook ministrja ka ndarë fotografi nga takimi, ku është diskutuar rreth zbatimit në vijim të marrëveshjeve për seksionet dygjuhëshe në arsimin parauniversitar.
Gjithashtu ajo informon, se ata u ndalën dhe tek sugjerimet që ka dhënë secili prej këtyre partnerëve për strategjinë e re të arsimit 2021-2026 dhe më konkretisht, për mësimin e gjuhës së huaj të detyruar në arsimin parauniversitar.
Në ambientet e Ministria e Arsimit, Sportit dhe Rinisë mirëprita përfaqësues nga Ambasada Franceze , Gjermane dhe Spanjolle në Tiranë, me të cilët diskutuam rreth zbatimit në vijim të marrëveshjeve për seksionet dygjuhëshe në arsimin parauniversitar.
Gjatë takimit, u ndalëm tek sugjerimet që ka dhënë secili prej këtyre partnerëve për strategjinë e re të arsimit 2021-2026 dhe më konkretisht, për mësimin e gjuhës së huaj të detyruar në arsimin parauniversitar.
