Kim dhe Kayne sërish në qendër të vëmendjes për një ribashkim të mundshëm. Fjalët nisën që nga momenti që ata të dy u fotografuan duke drekuar buzë detit, e ku më pas zërat u shtuan kur Kim u shfaq me fustan nusërie në premierën e albumit të reperit. Video të tjera qarkulluan nga premiera ku të dy shfaqeshin duke u largua bashkë të kapur për dore.
Por ajo që nuk pritej ishte se arsyeja e këtij ripajtimi mund të jetë Drake. Burime të brendshme në industrinë e muzikës thonë për “Page Six” se reperi po organizon shfaqje të tilla, për të rritur shitjet e albumit “Donda”, më shumë se ato të albumit të Drake.
Të dy reperët i kanë publikuar albumet pothuajse në të njëjtën kohë; “Donda” më 29 gusht, ndërsa “Drake Certified Lover Boy”, albumi i Drake, do të lançohet më 3 shtator. Megjithatë, ende nuk dihet nëse e gjithë ky shfaqje është bërë për shkak të konkurrencës.
Ndërkohë gazeta britanike “The Sun”, shkruante se ylli i “Keeping Up With The Kardashians” mund të tërheqë kërkesën për divorc që bëri në shkurt të këtij viti. Ëest dhe Kardashian kanë katër fëmijë: North, Saint, Chicago dhe Psalm.
