Në një deklaratë për mediat, Rektori i UT, Dhori Kule u shpreh se në Fakultetin e Ekonomisë rastet e Covid kanë rezultuar fatale duke i marrë jetën dy pedagogëve dhe një studenti, e si rrjedhojë vaksinimi është i nevojshëm si një masë parandaluese.
Sipas tij, një pjesë e tyre janë vaksinuar, por ende nuk ka një statistikë të përmbledhur.
‘Në Fakultetin e Ekonomisë kanë humbur jetën dy profesoresha dhe një student për shkak të Covid-19. U kemi bërë thirrje studentëve që të vaksinohen, u kemi dërguar mesazhe dhe i kemi kontaktuar përmes emaileve. Po presim që gjate shtatorit të jemi në kontakt, që të shfrytëzojnë muajt e hapur qe shërbimi mjekesore ka vënë në dispozicion për të bërë vaksinën. Nuk kemi statistika se sa studenta nuk e kanë bërë vaksinën, por një pjesë e tyre i kanë marrë dozat. Po të njëjtën gjë duhet të bëjnë edhe maturantët. Kam bindjen që ata e mirëkuptojne dhe e dinë që vaksinimi është per të mirën e tyre dhe të të afërmve të tyre.”- tha ai.
