Policia Rrugore ka zhvilluar një kontroll gjatë orëve të vona të natës në autostradën Tiranë-Durrës, ku ka pezulluar 10 leje drejtimi për shpejtësi tej normës së lejuar.
Sipas njoftimit të policisë, në 5 orë vëzhgim, prej orës 19:00 deri në orën 24:00 në të dy kahet e lëvizjes janë konstatuar shpejtësi tej normave, që varionin nga 143 km/h deri në 172 km/h, ku në rrugë trafiku ishte ende shumë i lartë.
Gjithashtu, janë vendosur 22 masa administrative për shpejtësi dhe manovra në rrugë, si dhe janë vendosur 2 masa administrative maksimale me vlerë 40.000 lekë të rinj, pasi drejtuesit e mjeteve ishin rezident në një shtet tjetër.
