Cristiano Ronaldo ka reaguar për herë të parë pas zyrtarizimit të lajmit për transferimin te Manchester United.
Në një postim në rrjetet sociale të faqes së klubit të Premier League, portugezi shprehet se United e ka mbajtur gjithmonë në zemër.
“Manchester United është një klub që ka mbajtur gjithmonë një vend të veçantë në zemrën time dhe unë jam mbingarkuar nga të gjitha mesazhet që kam marrë që nga njoftimi i së premtes”.-shkruan sulmuesi.
Më tej ai ka shtuar që është duke pritur me shumë emocion rikthimin në Old Trafford dhe bashkimin me ekipin.
“Mezi pres të luaj në Old Trafford dhe të shikoj përsëri të gjithë tifozët. Mezi pres të bashkohem me ekipin pas ndeshjeve ndërkombëtare dhe shpresoj për një sezon shumë të suksesshëm”.-u shpreh ai./Gijotina.com
