Presidentja e Komisionit Evropian, Ursula von der Leyen, deklaroi se 70% e të rriturve në BE janë vaksinuar plotësisht kundër Covid-19.
Me këtë shifër, BE-ja ka arritur objektivin e vendosur në janar që deri në fund të verës të vaksinohen 70 për qind e të rriturve.
“Sot shënuam një arritje të rëndësishme në fushatën tonë të vaksinimit. Në BE 250 milionë njerëz janë plotësisht të imunizuar. Dua të falënderoj të gjithë njerëzit që bënë të mundur këtë sukses të madh,” tha presidentja e Komisionit Europian, në një postim në Twitter.
“Ne gjithashtu duhet të ndihmojmë që pjesa tjetër e botës të vaksinohet,” shtoi ajo, duke theksuar se BE do të vazhdojë të mbështesë partnerët e saj.
