Nesër nis hapja e shkollave përsëri për nxënësit. ISHP jep udhëzimet mbi masat anti-Covid që duhen ndjekur: Mësuesit duhet të jenë të vaksinuar, nxënësit të mbajnë maska, hapni shpesh dritaret.
Ndërkohë edhe Ministrja Kushi vazhdoi apelin për vaksinim brenda afatit të përcaktuar, teksa vizitoi dhe ambjentet e shkollave që janë bërë gati për nisjen e procesit mësimor konsultues në datën 1 shtator.
Kushi u shpreh se pjesa më e madhe e mësuesve në të gjithë vendin janë vaksinuar, ndërsa ndau statistikën e të prekurve me COVID që marrin trajtim spitalor. Ajo nënvizoi se 95% e atyre që janë në gjendje të rëndë janë të pavaksinuar.
“I kemi vënë një rëndësi të jashtëzakonshme vaksinimit të arsimtarëve dhe studentëve. Jam e kënaqur që një pjesë e madhe janë vaksinuar. Sot që flasim 95% e atyre që janë në gjendje të rëndë janë të pavaksinuar. Ta shfrytëzojmë shtatorin për t’u vaksinuar.
Ju e keni marrë njoftimin që viti i ri shkollor vazhdon në datë 27. Arsyeja lidhet me mësimin plotësues. Do kërkoja që me përkushtimin maksimal që ju karakterizon, ta bëjmë si duhet mësimi plotësues dhe paralelisht t’i krijojmë kushte me aktivitete sipas udhëzimeve që janë shpërndarë”, u shpreh Kushi./Gijotina.com
