Anxhelo Ndrecka do të jetë pjesë e skuadrës së Teramos , e cila konkurron në Seria C. 19-vjeçari shqiptar i Kombëtares së Shpresave’ është në pronësi të Lazios, ndërsa drejtuesit kryeqytetas kanë vendosur ta huazojnë për të fituar eksperiencë.
Ai u ftua për ndeshjet e muajit shtator me Kombëtaren Shpresa, por zyra e shtypit të FSHF-së, njoftoi se mbrojtësi u largua nga grumbullimi për shkak të një dëmtimi.
Shqiptari është produkt i akademisë së Kievos, ndërsa rikujtojmë se kur ishte vetëm 17-vjeçar, debutoi si titullar në Serinë A me fanellën e Cievos, në sfidën ndaj SPAL-it.
Shqiptari kërkon të marrë sa më shumë minuta te skuadra e Teramos në Serinë C italiane, për tu rikthyer më pas te Lazio si një protagonist./Gijotina.com
