Milani do të vazhdojë negociatat për një rinovim e kontratës me Franck Kessie gjatë pushimit ndërkombëtar, pasi reprezentuesi i Bregut të Fildishtë nuk do të marrë pjesë në kualifikueset e Kupës së Botës këtë muaj.
‘Il Corriere dello Sport’ raporton se lojtari nuk i është përgjigjur thirrjes për kualifikueset e ‘Qatar 2022’ që do të luhen tani në shtator, pasi ai aktualisht po shërohet nga një dëmtim.
Milani shpreson të ketë Kessien dhe Zlatan Ibrahimovic përsëri aktiv kur Serie A të rifillojë pas pushimit, kur Lazio të mbërrijë në San Siro më 12 shtator.
Kessie aktualisht po punon me një program rehabilitimi, por negociatat për rinovimin e kontratës duket se kanë ngecur.
24-vjeçari thuhet se kërkon 7 milionë euro në sezon plus 1.5 milionë euro bonuse, ndërsa kuqezinjtë e Italisë ofrojnë vetëm 5.5 milionë euro.
Ndërkohë rikujtojmë se pak ditë më parë Maldini kërcënoi lojtarin me qëndrimin në stol nëse nuk do të rinovonte me klubin, kjo për shkak se pas largimit të Donnarummas dhe Calhanoglut me parametra zero nuk rrezikon t’i ndodh sërish e njëjta gjë./Gijtoina.com
