Përfaqësuesi Special i BE-së për dialogun Kosovë-Serbi, Miroslav Lajcak, ka njoftuar se sot do të takohet me kryeministrin e Republikës së Kosovës, Albin Kurtin dhe presidentin e Serbisë, Aleksander Vucic.
Takimi me secilin prej tyre do të zhvillohet në Slloveni me qëllim të përgatitjes së takimit të radhës mes krerëve të Kosovës dhe Serbisë. Lajcak ka thënë se çdo bisedë është e nevojshme, sepse ka gjëra të reja që ndodhin çdo ditë.
“Ne duhet të pajtohemi në atë se si ta përgatisim takimin e kryenegociatorëve, temat dhe çështjet e takimit. Jeta vazhdon dhe ne duhet t’i ndjekim zhvillimet”, ka thënë Lajcak.
Sot në Slloveni po mbahet Forumi i 16 -të Strategjik i Bled, tema kryesore e të cilit është e ardhmja e Evropës. Kryeministri shqiptar Edi Rama ka mbërritur i shoqëruar nga ministrja e Jashtme, Olta Xhaçka.
