Nënkryetari i LSI, Petrit Vasili ka reaguar pas deklaratës së ministres së Shëndetësisë, Ogerta Manastirliu se “në çdo qendër shëndetësore do të kryhet falas kontrolli i plotë mjekësor për çdo qytetar nga 35-70 vjeç për parandalimin e sëmundjeve kronike dhe monitorimin e pasojave post Covid”.
Vasili shkruan në Facebook, se me shifrat alarmante të Covid-19, këta “grabisin paratë me Check up”, ndërsa “nuk investojnë në qendrat shëndetësore, për vaksinat dhe rimbursimin e barnave për të sëmurët me Covid”.
“COVIDI në kulm, këta grabisin paratë me CHECK UP, çfarë turpi!!
Situata tepër e rënduar e COVID kërkon financime të mëdha për spitalet, qendrat shëndetësore, për vaksinat dhe kryesorja për rimbursimin e barnave të të sëmurëve me Covid.
Para nuk ka për asnjë nga këto”.
Ai nuk harroi të përmendë as rastin e këngëtares Bebe Rexha, e cila ka dhuruar 10 mijë dollarë për spitalin e Dibrës pasi mungojnë furzinimet.
“Këngetarja e njohur Bebe Rexha bën thirrje për ndihmë për Spitalin e Dibrës për shkak të mungesave të mëdha.
Ndërsa këta vazhdojnë të shpenzojnë pa pikë turpi dhe të bëjnë rrush e kumbulla paratë për koncesionin e Check Up”.
Gjithashtu, Vasili përmend edhe rastin e turistëve holandezë të cilët u shprehem se gjenda në Spitalin Infektiv është skandaloze, ndërsa shton se “rilindja po sjell vetëm plaçkitje të parave të shqiptarëve”.
“Turistet hollandezë thonë publikisht që gjendja në Spitalin Infektiv në Tiranë është skandaloze përsa i takon kushteve të shërbimit dhe këta të rilindjes vazhdojnë paturpësisht me Check Up.
Kapja e shtetit nga rilindja po sjell vetëm plaçkitje të parave të shqiptarëve, por kjo e financimit të Check Up në kulmin e Pandemisë jua kalon të gjithave”, shkruan Vasili.
