Shtëpitë e barit janë kthyer së fundmi “në modë” sa i përket punës nga ana e grupeve kriminale. Shqipëria së fundmi ka filluar të përdorë këtë metodë të re të mbjelljes së drogës, ku përvec së gjithash është edhe “më produktive”. Sakaq lidhur me këtë fenomen kanë dalë disa detaje te reja nga operacioni ndërkombëtar ku u shkatërrua rrjeti i madh i kultivimit të trafikut të drogës me bashkëpunimin e autoriteve spanjolle me ato gjermane dhe shqiptare, ku dyshohet se krerët e grupit kanë qenë trafikantë shqiptarë.
Gjatë operacionit janë goditur 51 shtëpi bari ku janë asgjësuar 25.000 bimë narkotike kanabis si dhe janë sekuestruar 938 kg boçe kanabisi një detonator, dy armë zjarri, tri mjete luksoze, një bllokues valësh dhe 68.760 euro.
Shtëpitë e barit funksiononin përmes vjedhjes së elektricitetit, duke sjellë një dëm ekonomik me vlerë 1.6 mln euro.
3 hetues shqiptarë kanë qëndruar në Spanjë për disa ditë për të bërë të mundur identifikimin e personave që merreshin me këtë aktivitet kriminal nga Shqipëria.
Drejtori i Policisë Ardi Veliu tha në konferencën e përbashkët të mbajtur në Spanjë se tashmë do të nisë puna për investigimin e pasurisë së anëtarëve shqiptarë të këtij grupi që përmes goditjes ekonomike të arrihet paralizimi i tij.
