Lautaro Martinez thuhet se ka arritur një marrëveshje me Interin dhe duhet ta nënshkruajë atë pas kualifikueseve të Botërorit ‘Qatar 2022’.
‘La Gazzetta dello Sport’ raporton se Zikaltërit mund të përqendrohen në rinovimin me argjentinasin tani që dritarja e transferimit është mbyllur.
Sipas gazetës, negociatat po përfundojnë dhe Lautaro pritet të nënshkruajë një marrëveshje të re me vlerë 6 milionë euro në sezon plus bonuse kur të kthehet nga ndeshjet e Kombëtareve.
Lautaro thuhet se ka rënë dakord të marrë klauzolën e lirimi prej 111 milion eurove nga marrëveshja e firmosur në 2018-ën.
24-vjeçari, i cili shënoi tre herë në gjashtë ndeshje në Kupën e Amerikës kur Argjentina fitoi trofeun këtë verë, po përgatitet për kualifikueset e Kupës së Botës këtë muaj, duke filluar me një ndeshje kundër Brazilit.
Sulmuesi qendror pritet të nënshkruajë marrëveshjen e re pas kthimit të tij në Milano dhe të lidhet me klubin deri në qershor 2025-ën.
Lautaro ka luajtur 133 ndeshje konkurruese me Zikaltërit, duke shënuar 50 herë dhe duke ndihmuar klubin të fitojë Serie A në sezonin 2020-2021./Gijotina.com
