Bilanci i vdekjeve për shkak të fatkeqësive natyrore në 50 vitet e fundit është 2 milion njerëz. Të dhënat e publikuara nga zyrtarë të OKB-së thanë se për shkak të fatkeqësive të nxitura nga ndryshimet klimatike, siç janë përmbytjet dhe vala e nxehtësisë numri I viktimava është rritur. Më shumë se 91% e viktimave kanë ndodhur në vendet në zhvillim.
Numri i fatkeqësive është rritur pesë herë gjatë një gjysmë shekulli duke i kushtuar botës humbje në vlerë 3.64 trilionë dollarë. Organizata Botërore e Meteorologjisë (WMO) tha në raportin e saj se është bërë përmbledhja më gjithëpërfshirëse e vdekshmërisë dhe humbjeve ekonomike nga moti, uji dhe fatkeqësitë për shkak të ndryshimeve klimatike.
Hulumtuesit kanë studiuar rreth 11.000 fatkeqësi që ndodhën midis viteve 1979-2019, përfshirë katastrofat kryesore si thatësira e Etiopisë më 1983, nga e cila u shkaktuan 300.000 vdekje, dhe Uragani Katrina më 2005 në SHBA që ishte më i kushtueshmi, me humbje prej 163.61 miliardë dollarë.
Raporti tregon se ngjarjet ekstreme të motit po bëhen më të shpeshta për shkak të ngrohjes globale.
Organizata tha se raporti do të përdoret për të ndihmuar qeveritë të zhvillojnë politika për të mbrojtur më mirë njerëzit.
